1 Joer nom Zuchaccident zu BeetebuergGedenkzeremonie op der Stater Gare

Um Mëttwoch ass et ee Joer, datt op der Zuchstreck Beetebuerg-Diddeleng e Passagéierzuch an e Gidderzuch frontal aneneegerannt sinn.

De Maschinist vum Lëtzebuerger Passagéierzuch koum dobäi ëm d'Liewen

RTL-News: 14. Februar 2017 - Zuchongléck zu Beetebuerg.

En Tëscherapport vum Parquet hat am Mäerz eng Kombinatioun tëscht techneschen a mënschlechen Ursaache festgehalen.

D'Enquêtë sinn um Dag vun haut nach net ofgeschloss, sou datt bis ewell keng definitiv Conclusiounen iwwer d'Ursaache vum Accident ze zéie sinn.  Déi nächst Woch géif awer ee weideren Tëscherapport vun der Adminstration des enquêtes techniques presentéiert ginn.

Landesverband a Syprolux haten um Mëttwoch de Mueren och eng gemeinsam Gedenkminutt am enke Krees wéinst dem déidlechen Zuchaccident virun engem Joer.



Background am Gespréich mam Marc Wengler (10.2.18): Enquêten no déidlechem Zuchaccident net ofgeschloss



Sécherheetssystem ETCS

Aus dem Zuchaccident vu viru genee engem Joer zu Beetebuerg si Konsequenze gezu ginn, sou den Infrastrukturminister François Bausch.

Zanter 2014 schonn ass de ganze Lëtzebuerger Zuchreseau mat deem beschte Sécherheetssystem equipéiert. An tëscht ass dat och an all de Passagéierzich vun den CFL de Fall.

An deen europäesche System soll elo och bis Enn Januar 2020 an alle belschen a franséischen Zich agebaut sinn, déi hei an d'Land erafueren.
PDF: Pressecommuniqué vun der SNCF

Froe ronderëm d'Sécherheet op der Eisebunn (11.01.2018)
11 Méint nom Accident bei Diddeleng ass d'Enquête nach net ofgeschloss. D'Lëtzebuerger Persounenzich sinn elo all mam Europäesche System ETCS equipéiert.


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.