TraficDéidlechen Accident op der A31 - Autobunn nees op

Um Dënschdeg de Moie koum et op der franséischer A31, direkt hannert der Lëtzebuerger Grenz zu engem Accident mat déidleche Suitten.

De Camionneur ass ëm d'Liewe komm. Dat huet déi franséisch Police bestätegt. Et deit drop hin, dass de Camionneur e Malaise gemaach huet, du vun der Strooss ofkomm ass, den Hiwwel mam Camion eropgefuer ass, an dunn nees erof op d'Autobunn, fir widder der Leitplank un d'Halen ze kommen. Et war Chance, dass de Camion net op déi aner Säit duerchgebrach ass.

Wéi d'Rettungsdéngschter op der Plaz ukomm sinn, konnt just nach den Doud vum Chauffer festgestallt ginn.

Géint 12.30 ass nees eng Spur fir den Trafic opgaangen. Et waren awer ëmmer nach 6km Stau a béid Richtungen. Um spéiden Owend koum dunn d'Confirmatioun, datt all d'Spuren nees op wieren.

Déidlechen Accident op der A31 kuerz hannert der Grenz (27.02.2018)
Um Dënschdeg de Moie koum et op der franséischer A31 zu engem Accident mat déidleche Suitten a mat grousse Repercussiounen op den Trafic.