Net am Lucius mä op der Uni!Alkoholiséierte Mann gëtt sech als Proff aus

Ee jonke staark alkoholiséierte Mann huet en Dënschdeg de Moie scho fir déi zweete Kéier e Cours gestéiert.

Anescht wéi d'Police gemellt hat, war den Tëschefall net am Lycée Michel Lucius, mä op der Uni Lëtzebuerg.

Den alkoholiséierte Mann ass an de Klassesall eragaangen an huet behaapt, hie wier Proff an huet esouguer op d'Tafel geschriwwen.

De Portier huet de Mann aus dem Klassesall matgeholl a virun d'Dier bruecht, wou d'Police op de Mann gewaart huet. Hie war esou staark alkoholiséiert, dass een en huet misse stäipen, dass en net op d'Strooss gefall ass.

D'Polizisten hunn dem Mann ugebueden, hien éierens hin ze bréngen, wou hien ausschlofe kéint. Dëst wollt hien awer net, hie wollt nees zeréck an d'Schoul. Nodeems d'Poliziste laang op de Mann ageriet hunn, dat ouni Erfolleg, hu si hien ënner Arrest gestallt, dat well en eng Gefor fir sech an aner Leit duergestallt huet.