VIDEO - Mini-CrèchenNeie Betreiungsmodell och um Weekend a vu 5 bis 23 Auer

De Changement betrëfft virun allem Dagesmammen a -pappen, déi déi 20 Gratisstonnen am Kontext vun der méisproocheger Betreiung bis elo net konnten ubidden.

Mini-Crèchen: Modell tëscht grousse Crèche an Dageselteren (07.03.2018)
Domadder soll grad am ländleche Raum eng Kannerbetreiung assuréiert ginn.

Den Educatiounsminister Claude Meisch huet e Mëttwoch de Prinzip vun de sougenannten "Mini-Crèchen" presentéiert.

Mini-Crèchen: Reportage vum Claudia Kollwelter



D'Offer vun der Betreiung vu Kanner tëscht 0 an 12 Joer ausbauen, dat soll den neie Model vun de "Mini-Crèchen" méiglech maachen. An e betrëfft virun allem d’Dagesmammen a -pappen, déi déi 20 Gratisstonnen am Kontext vum Programm fir déi méisproocheg Betreiung bis elo net konnten ubidden.

An de Mini-Crèchë solle maximal 11 Kanner matenee betreit ginn, dovu maximal 4 Kanner, déi manner wéi 1 Joer hunn, an dat vun 2 Professionellen aus dem sozio-edukative Beräich - op d'mannst een Educateur an eng Dagesmamm. Also eng däitlech méi kleng Struktur wéi d'Crèchen, d'Maison-relaisen an d'Foyer-de-jouren. De Minister Meisch gesäit a klengen, heemelege Strukturen eng Rëtsch Virdeeler: D'Kanner kéinte sech do ganz gebuerge fillen, d'Personal dierft net esou dacks wiesselen a kéint séier zu enger Bezuchspersoun ginn.

De Claude Meisch



Dësen neie Statut géif, dem Minister no, sécherlech Uklang bei den Elteren a Personal fannen. Eng méi kleng Struktur mat manner Kanner géif d'Méiglechkeet fir eng heemlech Struktur bréngen an och eng Konstanz an der Betreiung.

D'Mini-Crèchë sinn och flexibel, wat d'Ëffnungszäiten ugeet, vu 5 Auer moies bis 23 Auer owes kënnen d'Kanner hei betreit ginn, an dat och samschdes a sonndes.






Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.