VIDEO: E neien Horizont geet opDirekt-Flich vu Lëtzebuerg op Doha an de Qatar

An Zukunft soll et méiglech sinn direkt vu Lëtzebuerg op Doha an de Katar ze fléien.

Qatar Airways kënnt op Lëtzebuerg (08.03.2018)
Vum Luxairport aus soll een an Zukunft op Doha a vun do aus an d'ganz Welt kënne fléien.

D'Fluchgesellschaft Qatar Airways huet e Mëttwoch 16 nei Destinatioune bekannt ginn, wou d’Airline wëlles huet an d’Zukunft hinzefléien, dorënner och an de Grand-Duché.

Dëst kéint nach dëst Joer oder d’nächst Joer Realitéit ginn, esou d’Entreprise op der Ouverture vun der ITB zu Berlin, der gréisster Tourismusfoire weltwäit. Do huet keen aneren, wéi de grousse Patron vun der Nummer 1. Fluchgesellschaft 2017 Ak-bar Al Baker annoncéiert. Aktuell läit d'Fluchgesellschaft ënnert engem Embargo vu véier Arabesche Staaten, esou datt den Al Baker elo op eng aggressiv Expansiounspolitik.

Vu Luxairport huet et op Twitter geheescht, datt een dës Nouvelle iwwert ee Communiqué gewuer gi wier.

Dat ass hautdesdaags esou, an der moderner Welt vun der Aviatioun. Elo fänken d’Gespréicher ronderëm d’Detailer un , sou de René Steinhaus. Wéi dacks an der Woch? Mat wat fir enge Maschinnen? Logesch schéngt, dat de méi kléngen Airbus A320, mat ëm déi 140 Pltzen, agesat géif ginn.

Wéi de Responsabele fir d'Kommunikatioun bei Luxairport, de René Steinhaus, seet, géif ee sech iwwert d'Annonce freeën. Dëst géif d'Bedeitung vu Lëtzebuerg an och um nationale Fluchhafen weisen. Weider fënnt een et als Fluchhafe positiv, wann ee seng Offer erweidere kann.

Extrait René Steinhaus (1)

D'Demande fir eng direkt Linn mat der katarescher Haaptstad wier jiddefalls do. Et huet ee vill Clienten, déi iwwer déi grouss Fluchhäfen an Europa an déi wäit Welt fléien. D'Nofro fir esou Destinatiounen ass kloer geklommen. Mat dëser Statioun kritt een vu Qatar Airways déi éischte Kéier d'Méiglechkeet, fir vu Lëtzebuerg mat engem Stopp an Australien ze fléien, wat dann och vill Cliente vum Luxairport wäert freeën.

Nieft Sydney an Australien wier dann och och Destinatioune wéi Auckland, Tokyo, Shanghai oder Bangkok mat engem Tëschestopp vum Luxairport aus z'erreechen.

Extrait René Steinhaus (2)



De Findel ass keen Neiland fir d'Qatar Airways. Zanter 6 Joer landen Cargofliger aus Doha hei zu Lëtzebuerg. Bis zu 27 Maschinnen d'Woch. Et kennt ee sech deemno schonn.