VIDEO: Nei GareNeien Tunnel, fir an den Zentrum vu Schëffleng eranzefueren

3 Passages à Niveau mat Barrièrë fir iwwer d'Schinne gi suppriméiert, amplaz kommen ënnerierdesch Passagen.

Neien Tunnel, fir an den Zentrum vu Schëffleng eranzefueren (27.03.2018)
3 Passages à Niveau mat Barrièrë fir iwwer d'Schinne gi suppriméiert, amplaz kommen ënnerierdesch Passagen.
"Et ass eng gewalteg urbanistesch Verännerung an eng grouss Plus-value fir Schëffleng“, seet de Buergermeeschter vu Schëffleng, de Paul Weimerskirch. 

Geplangt ass ee Passage fir an den Zentrum vu Schëffleng eran ze fueren. E verbënnt d‘Rue de Drusenheim mat der Liberatiounsstrooss.



Donieft kënnt eng Vëlospist laanscht d‘Schinnen, an eng Foussgängerbréck méi wäit Richtung Esch bei der Avenue de la Résistance.

Den 1. Abrëll gëtt d'Carcasse vum Passage fir an de Centre ënnert d’Schinnen agesat.

Am November 2016 hunn d'Aarbechten zu Schëffleng ugefaangen. Am Dezember 2018 soll déi nei Gare zu Schëffleng fäerdeg sinn. Am Juni d‘nächst Joer soll dann och d‘Schallschutzmauer gebaut sinn. Se gëtt ënnert anerem méi behënnertegerecht gemaach. De ganze Projet kascht 43 Milliounen Euro, d'Gemeng iwwerhëlt 10%, de Rescht bezuelt d'CFL an d'Ponts et Chaussées.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.