Atomofkommes mam IranDeputéiert kritiséieren Entscheedung vum Donald Trump

Et soll alles gemaach ginn, datt d'Atomofkommes mam Iran net kippt, dat war den unanime Message vun der Chamber un den Ausseminister Jean Asselborn.

© afp
Et war ee sech en Dënschdeg och eens, datt Europa zesummen un deem positiven Accord misst festhalen an d'Kritik um Donald Trump senger Decisioun, aus dem Accord erauszeklammen, gouf vun all den Deputéierte kritiséiert. Fir den CSV-Deputéierte Laurent Mosar stécht awer an all Réckschlag och eng Chance. Hie mengt, datt d'Erausklamme vun den USA d'Geleeënheet fir d'europäesch Aussepolitik kéint sinn, op eegene Féiss op dësem Deel vun der Welt ze goen. Dem Laurent Mosar no misst Europa op dëser Plaz dem Donald Trump soen, dass ee mat senger Decisioun net averstane wier. Iwwerdeems wieren déi nei US-Sanktioune kontraproduktiv an dat net nëmmen en vue vun der Gefor, dass d'Pëtrolspräisser explodéiere kéinten.

De Laurent Mosar kritiséiert d'USA


Den Ausseminister Jean Asselborn huet drop opmierksam gemaach, wéi eng Konsequenzen déi amerikanesch Decisioune fir Lëtzebuerger Betriber hunn, déi am Iran aktiv sinn.

Den Ausseminister Jean Asselborn

Et wiere vill Firmen do aktiv, ënnert anerem Paul Wurth an d'Cargolux an et géif villes sécherlech méi schwéier ginn, ma et géif ee mat den aneren europäesche Länner probéieren, fir d'Firmen ze ënnerstëtzen.

Den Accord wier sécherlech net perfekt, mee et géing keng Alternativ ginn, huet de Jean Asselborn nach betount.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.