VIDEO: 2 Persoune blesséiertFrontalkollisioun tëscht 2 Autoen am Ausgank vu Schëndels

Zwou Persoune goufen um Mëttwoch de Moie kuerz virun 8 Auer bei enger Frontal-Kollisioun tëscht 2 Autoen vu Schëndels a Richtung Miersch blesséiert.

D'Strooss war fir d'Dauer vun de Rettungsaarbechte gespaart, wat am Beruffstrafic natierlech fir Stau gesuergt hat, deen zeréck gaangen ass bis op d'A7. Dat hat ongeféier 1 Stonn gedauert. Zwou Ambulanze vu Lëntgen, de SAMU Nord, den Asazzenter vu Miersch a vu Lëntgen, grad ewéi d'Police waren op der Plaz.

Accident am Ausgank vu Schëndels - 2 Blesséierter (16.05.2018)
E Mëttwoch de Moie gouf et am Beruffstrafic a Richtung Miersch eng Frontalkollisioun tëscht 2 Gefierer.


Géint 9.20 Auer koum et op der selwechter Streck zu engem weideren Accident, wouduerch sech nees e Stau gebilt hat. Kuerz no 10 Auer koum d'Entwarnung, dass och dee Stau sech opgeléist hätt.

Kuerz no 9 Auer war op der Areler A6 Richtung Arel en Accident mat puer Gefierer. 1 Persoun gouf blesséiert. D'Ambulanz aus der Stad an den Asazzenter aus der Stad waren op der Plaz.

Géint 10 Auer ass en Auto op der A4 Richtung Stad an d'Leitplanke gerannt. Och hei gouf 1 Persoun blesséiert. D'Ambulanz vun Esch, den Asazzenter Monnerech a vun Esch waren am Asaz.