Immigratioun zu Lëtzebuerg132 Persounen hunn am Abrëll eng Demande op Asyl gemaach

Déi meescht Ufroe gouf et aus dem Irak an aus Syrien, wéi och dem Afghanistan, Georgien an Erithrea.

Am Laf vum Mount Abrëll hunn 132 Leit hei zu Lëtzebuerg Asyl ugefrot, dat sinn der genee sou vill wéi am Mäerz.

147 Leit kruten de Statut als Réfugié unerkannt, heescht et an der Statistik vun der Immigratiouns-Direktioun. Eenzel Decisioune ginn deemno zeréck op Demanden déi schonns virum 1. Abrëll gestallt gi waren.

Déi meescht Ufroe gouf et aus dem Irak an aus Syrien, wéi och dem Afghanistan, Georgien an Erithrea.

560 Demande gouf et bis ewell dëst Joer, dat deelen den Ausseministère an d'Direktioun vun der Immigratioun mat. Dat sinn der vill manner wéi zejoert ëm déi selwecht Zäit.

60 Syrer an 53 Iraker hu bis ewell dëst Joer eng Demande fir international Protektioun hei zu Lëtzebuerg gemaach.

Am Ganzen kruten dëst Joer bis ewell 396 Leit Asyl hei am Land accordéiert.

Statistiques concernant la protection internationale – mois d'avril 2018 (17.05.2018)