TréierLëtzebuerger spréngt op Gidderzuch a gëtt kuerz drop uerg blesséiert

E gréissert Fragezeiche gëtt et no engem uergen Accident vun engem jonke Lëtzebuerger e Mëttwoch am fréien Owend zu Tréier. D'Ëmstänn sinn nach onkloer.

© ERIC CABANIS / AFP

De Lëtzebuerger war als ongewéinleche Passagéier op engem Gidderzuch matgefuer, hien war nämlech op e Waggon geklommen Zeien haten dat gesinn an d’Police geruff. Wéi laang de Mann zu deem Zäitpunkt schonn um Waggon souz, ass net gewosst.

Den Zuch ass doropshin op Héicht vun der Kaiser-Wilhelm-Bréck stoe bliwwen an de jonke Mann vun 20 Joer hätt sech dobäi blesséiert an zwar ganz uerg, schreift d’Zeitung „Trierischer Volksfreund“ a berifft sech op d‘Police vun Tréier.

Op hie widder e Catenaire geroden, oder vum Zuch gefall ass, ass bis ewell net kloer. Hien gouf an d’Klinik zu Tréier ageliwwert. D'Streck op där den Zuch gefuer ass, huet tëscht 17.30 an 18.50 misste gespaart ginn. Och d'Strooss déi parallel zu de Gleiser leeft, gouf kuerzzäiteg gespaart.