Dan KerschAll Stot kritt een Dampmelder geschenkt

Et war eng Annonce, déi den Inneminister schonns fir den Neijoerschpatt vun de Rettungsdéngschter gemaach hat a geschwë soll Realitéit ginn.

All Stot hei am Land soll deemno mat op d’mannst engem Dampmelder equipéiert ginn – dat soll via e Gesetz och festgeluecht ginn, heescht et an der Äntwert vum Dan Kersch op eng parlamentaresch Fro vun den Deputéierte Max Hahn a Claude Lamberty vun der DP.

Tëscht 1998 an 2015 wiere pro Joer zwee Doudesfäll am Grand-Duché, op d’Suitte vun engem Brand oder eng Dampvergëftung zréckzeféiere gewiescht.

PDF Parlamentaresch Fro an Äntwert vum Minister

Een Dampmelder kann deemno fir wéineg Geld Liewen retten.

De Minister wëll awer nach keng gréisser Detailer nennen, soulaang wéi de Projet de loi nach net am Regierungsrot presentéiert ginn ass.

Just esou vill – et soll och eng grouss ugeluechte Sensibiliséierungs-Campagne ginn, wou all Menage am Land och en Dampmelder vum Staat geschenkt kritt.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.