FOTOEN - TramTestfaarte vum Kierchbierg iwwer de Glacis op d'Stäreplaz

An der Nuecht op en Dënschdeg ass den Tram eng éischte Kéier iwwert d'Rout Bréck op de Lampertsbierg gefuer. An d'Allée Scheffer krut nees Beem.

Luxtram huet mat der Testphas fir den Trançon Kierchbierg-Stäreplaz (Étoile) ugefaangen.

Vum Arrêt "Rout Bréck - Pafendall", mam Funiculaire, fiert den Tram jo iwwert d'Rout Bréck, laanscht de Groussen Theater, béit do of, fir dann duerch d'Alleé Scheffer iwwer de Glacis ze fueren an da via d'Rue Jean-Pierre Probst op der Stäreplaz unzekommen.

Besonnesch komplizéiert war jo d'Kéier beim Groussen Theater, iwwert der Zoufaart fir d'Parkhaus, wou zousätzlech Etüden néideg waren - wéinst der Stabilitéit.

An der Nuecht op Päischtdënschdeg gouf mat den Tester ugefaangen an du ass den Tram iwwert d'Rout Bréck gefuer. Den Test wier gutt verlaf, esou Luxtram an engem Communiqué um Dënschdeg den Owend. An den nächsten Nuechten ginn no an no och déi weider Abschnitter bis bei d'Stäreplaz getest.



Antëscht verdéngt d'Allée Scheffer dann och nees hiren Numm, well do goufen nees Beem geplanzt, si ass also nees eng Allee. Et sinn awer jonk Beem, déi al ware jo oftransportéiert ginn, wat fir deels hëtzeg Reaktioune gesuergt hat.

Op enger Pressekonferenz de 4. Juni gëtt et weider Detailer iwwer déi nächst Etappe vum Tram.



Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.