VIDEO: AMMD"D'Dokteren hunn es genuch"

Dat hunn d'Vertrieder vun der AMMD mat enger Enquête ënnermauert, déi si bei hire Memberen am Mee duerchgefouert hunn.

ammd: "D'Dokteren hunn es genuch" (14.06.2018)
Dat hunn d'Vertrieder vun der AMMD mat enger Enquête ënnermauert, déi si bei hire Memberen am Mee duerchgefouert hunn.

Eng 640 Medeziner hu geäntwert, wouvunner 88% soten, datt op hinnen ze vill héich administrativ Chargen géife laaschten, 70% mengen, datt d'Aarbecht demesuréiert wier an 66% vun den Dokteren soten an der Enquête, datt déi aktuell Nomenklaturen net ugepasst wieren an datt dëst dee gréissten Problem den Ament vum Lëtzebuerger Gesondheetswiesen wier. Dës Texter géifen dann och net méi den Effort erëmspigelen, deen den Dokter leescht, fir säi Patient ze behandelen.

4 vun 10 gefroten Doktere soten, datt se Krämpes hätten, hire Beruff mam Privatliewen iwwerteneen ze kréien.

D'AMMD gesäit sech vun hire Memberen an allen Demarchë confirméiert, datt den aktuelle System ze vill rigid wier an datt de legalen an tarifaire Kader esouguer eng permanent Menace fir d'therapeutesch Fräiheet vun den Doktere géif duerstellen.

D'Kritike vun den Doktere gi souguer nach méi wäit, well wéi et um Donneschdeg bei der AMMD geheescht huet, géif den aktuellen System mol net méi sécher stellen, datt d'Patienten, déi Soinen kréien, déi se awer missten hunn fir nees gesond ze ginn.

De Malaise ass grouss, seet d'AMMD a verweist op d'Relatioun zur Krankekeess an zum Contrôle médical. An der Ëmfro stëmme 7 vun 10 befrote Medeziner der Ausso zou, datt et ze technokratesch ofleeft an d'Nomenclature net méi zäitgeméiss ass. D'Vertrauensverhältnes tëscht dem Dokter a sengem Patient géif duerch en ze steiwe System a veraalte Bestëmmunge vun der CNS gestéiert ginn. De President vun der AMMD, Alain Schmit, schwätzt vun engem breede Ras-le-bol, dee vun der Politik misst gehéiert ginn.

AMMD /Reportage Bérengère Beffort

De Ball géif elo beim Minister Romain Schneider léien, betount d'AMMD mat Nodrock. A sollt et da net esou séier virugoen? Dann .. misst den Debat nach méi breet gefouert ginn, mengt den Alain Schmit a mécht domadder Dier op fir all d'Parteien, déi sech de Suerge vun den Dokteren an hirem Wahlprogramm unhuele wéilten.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.