Ponts et ChausséesSécherheet vun den 1'271 Brécke gëtt all 3 Joer kontrolléiert

Zu Lëtzebuerg ass d’Tragfäegkeet vun alle Brécken "OK", seet den Direkter vu Ponts et Chaussées, de Roland Fox am RTL-Interview.

Sou en dramateschen Accident wéi deen zu Genua, kéint een am Prinzip hei am Land ausschléissen.

De Roland Fox iwwer Brécken zu Lëtzebuerg

Déi zoustänneg Inspektiounsequippë kontrolléieren, a Kooperatioun mat externe Bureaux d’étude, d’Brécken hei am Land an engem Zyklus vun 3 Joer. Där Brécke gëtt et iwwregens ëmmerhin am ganzen 1'271 Stéck zu Lëtzebuerg, déi ënner d’Kompetenz vu Ponts et Chaussées falen.



Kontrolléiert gëtt virop d’Etanchitéit, well besonnesch duerch d’Streesalz am Wanter Korrosiounsproblemer am Beton entstinn. Brécken, déi musse kuerzfristeg verstäerkt ginn, sinn d’Autobunnsbréck zu Schëffleng an eng Bréck iwwert d’Schinnen zu Colmar-Bierg. Hei goufe schonn déi néideg Projeten ausgeschafft. Eng Bréck, no der selwechter Bauweis wéi déi zu Genua, gëtt et zu Lëtzebuerg net, sou nach den Direkter vun der Stroossebauverwaltung.

D'Bréck zu Steebrécken ass, den Ament aus Sécherheetsgrënn, op eng Spuer limitéiert. E besonnesch An hunn d'Kontrollinspekteren ëmmer op d'Etanchitéit vun der Bréck. De Bëtong leit, no enger gewëssener Zäit, besonnesch duerch d'Streesalz, nämlech ënner Korrosioun. Brécken aus Stol musse reegelméisseg nei ugestrach ginn. An et sinn och alt bei eelere Brécke statesch Verstäerkungen néideg, wéi viru Kuerzem bei rouder an der neier Bréck an der Stad. Allgemeng, seet de Roland Fox, sinn d'Brécken awer all an der Rei.

An noer Zukunft stinn Aarbechten un der Autobunnsbréck zu Schëffleng an enger Bréck zu Colmar-Bierg un. D'Sanéierungsprojete sinn am Gaang ausgeschafft ze ginn.

Um Donneschdeg de Moien hat d'Josée Lorsché vun Déi Gréng an deem Kader eng parlamentaresch Fro un den Infrastrukturministère geschéckt.

PDF: Parlamentaresch Fro vum Josée Lorsché (Déi Gréng)
Parlamentaresch Fro vum Cécile Hemmen (LSAP)

Artikel: Bréck bei Genua an de Koup gefall

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.