"Bordelbourg" eriwwerCFL-Streck Beetebuerg-Stad nees op, dofir Zwou anerer zou

Vun e Samschdeg u zirkuléieren da keng Zich méi tëscht der Stad an Ettelbréck respektiv Dikrech an tëscht Péiteng an Esch.

© CFL

D’Zuchstrecke Beetebuerg-Lëtzebuerg funktionéiert zanter e Samschdeg Mëtternuecht erëm normal. Wéi d’Kollege vum 5Minutes gemellt hunn, wier et eriwwer mam „Bordelbourg“. Wéinst Aarbechten zu Beetebuerg an och op der Streck a Richtung Lëtzebuerg waren zanter dem 14. Juli keng Zich méi do stoe bliwwen an d'Leit aus der Regioun esou wéi déi franséisch Frontalieren hu misse mat Ersatz-Busser fueren.

Deem enge seng Freed ass dem anere säi Leed. Vum 25. August u falen d‘Strecke Lëtzebuerg – Ettelbréck an Esch – Péiteng ganz aus, dat bis de 16. September. Och hei ginn Ersatzbusser agesat.

Hei gëllt et awer och fir d'Automobilisten, sech op verschidde Plazen op Chantieren anzestellen. Esou ass ënner anerem d'Barrière zu Déifferdeng an der Avenue Charlotte, et wäit ewech vun der Gemeng an dem Policebüro, fir d'en Deel vum Chantier zou, esou datt een iwwert dee Wee net méi vun Déifferdeng op Uewerkuer ka fueren. Dës Barrière soll de 4. September nees fir den Trafic opgoen.

PDF (De): CFL-Chantieren an der Summervakanz

PDF (Fr): CFL-Chantier an der Summervakanz

PDF: De Communiqué vum Ministère du Développement durable

Den Iwwerbléck vun de Chantieren vun den CFL am Summer
Linn 10 tëscht Lëtzebuerg an Ëlwen:


Op dëser Linn zirkuléiert vun e Samschdeg dem 25. August bis de 16. September 2018 keng Zich tëscht der Stad an Dikrech. Vun Ettelbréck aus awer kann ee weider an den Norde fueren, souwuel op Wolz wéi och op Ëlwen.

Linn 50 tëscht Lëtzebuerg an Arel:

Vum 15. Juli bis den 16. September ass d'Streck komplett gespaart.

Linn 60 tëscht Lëtzebuerg, Esch-Uelzecht a Rodange:

Tëscht Esch a Péiteng circuléieren keng Zich, datt vum 25. August bis de 16. September. Et kënnt een awer weiderhi vu Beetebuerg bis op Esch, (respektiv vu Beetebuerg op Diddeleng, vun Näerzeng op Käl, Téiteng a Rëmeleng oder Vun Esch op Audin-le-Tiche.

Linn 60 an 90 tëscht Lëtzebuerg, Beetebuerg a Metz:

Vum 14. Juli bis den 24. August fuere keng Zich tëscht Lëtzebuerg a Beetebuerg. Vu Beetebuerg aus kann een awer weider mat der Linn 60 op Esch fueren respektiv mat der Linn 90 an d'Frankräich.

Op all de Linne wäerte Bussen als Ersatz fir d'Zich agesat ginn.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.