VIDEO + FOTOGALERIE89. Editioun vu Stater Braderie um Kiermesméindeg

Et war déi 89. Editioun an zanter 1929 eng richteg Institutioun. Rieds geet vun der Stater Braderie, déi traditionell um Kiermesméindeg ass.

Vu moies 8 bis owes 19 Auer konnt een e Méindeg an der Stad an op der Gare gutt Affäre maachen. Ronn 370 Stänn hunn dëst Joer erëm bradéiert. Dat sinn zesummen 2,1 Kilometer vu lafende Stänn.

D'Stater Braderie ass déi gréissten an déi eelste Braderie aus dem Land. D'Nouveautéiten dëst Joer waren ënner anerem ee Maart mat kreative Produiten um Square Jan Palach op der Plëss, esou wéi d'Präsenz vu Foodtrucken op der Paräisser Plaz.

89. Braderie an der Stad (03.09.2018)
Et war déi 89. Editioun an zanter 1929 eng richteg Institutioun. Rieds geet vun der Stater Braderie, déi traditionell um Kiermesméindeg ass.


Eng aner Nouveautéit war, dass den Tram gratis war, esou wéi d'städtesch Bussen. D'Park and Rides, de Parking vun der Place de l'Europe an de Fort Wedell op der Gare hunn och näischt kascht.

Ma, et si jo bekanntlech Chamberwalen - net verwonnerlech also, datt net manner wéi 10 politesch Stänn ugemellt waren.

Verschiddener haten souwuel e Stand an der Uewerstad wéi och op der Gare.

Um RTL-Stand op der Plëss goufen et wéi all Joer Gratis Kaffi a Kaffiskichelcher. D’Marie Gales an de Loïc Juchem hunn do bis 14 Auer fir gutt Stëmmung gesuergt mat vill Animatioun, Spiller a Musek.






Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.