Lëtzebuerger MedienD’Mark RTL bleift d'Nummer 1

303.500 Leit lauschteren all Woch RTL Radio Lëtzebuerg, 262.100 Spectateure kucken RTL Télé Lëtzebuerg an 240.000 Visiteure surfen op RTL.LU.

© RTL Grafik

D’Resultater aus der aktueller Plurimedia-Etüd vun der TNS-Ilres confirméieren déi stabil Entwécklung vun den RTL-Medien, déi an der Wochenaudienz déi 3 éischt Plazen am Ranking vun de Lëtzebuerger Medien beleeën.
All 6 Méint loossen d’Regierung an d’Haapt-Medienhaiser (Editpress SA, IP Luxembourg/CLT-UFA a Saint Paul Luxembourg SA) via TNS-Ilres préiwen, wéi de Mediekonsum zu Lëtzebuerg evoluéiert.

© RTL


Mat iwwer 300.000 Nolauschterer pro Woch ass RTL Radio Lëtzebuerg dee meescht-consomméierte Medium zu Lëtzebuerg a bleift weiderhin d’Nummer 1 vun alle Lëtzebuerger Medien. Stabel bleift och d’Verdeelung vun de Lëtzebuerger an auslännesche Nolauschterer: 69% Lëtzebuerger an 31% auslännesch Residenten. Am Duerchschnëtt lauschtere si 2,5 Stonnen den Dag eise Radio.

© RTL


D’Programmer vun RTL Télé Lëtzebuerg (och via Den 2. RTL an Internet) ginn an der Woch am Duerchschnëtt vun 262.100 Spectateure gekuckt, dovunner si 70% Lëtzebuerger an 30% auslännesch Residenten.

© RTL


All Woch surfen 240.000 Visiteuren op RTL.LU, dat si 46 % vun der Populatioun vun iwwer 12 Joer. De Lëtzebuerger Informatioun-Site bleift domadder dee meescht-consomméierten Internet-Medium am Land. Och hei si bal een Drëttel (31 %) vun de Visiteure auslännesch Residenten.

D’Entwécklung vun den RTL-Medien ass weiderhi stabel a beleet an der Wochenaudienz déi 3 éischt Plazen am Ranking vun de Lëtzebuerger Medien.

D’ganz Ekipp vun RTL Lëtzebuerg seet Iech MERCI fir d'Vertrauen, dat Dir eis Dag fir Dag entgéintbréngt.