VIDEO-Serie "Kuerz a knapp"Episod 10 - De Joe Thein vun déi Konservativ

An dëser Serie interesséiere mir eis fir déi jéngste Kandidate vun alle Parteie fir d'Wale vum 14. Oktober.

© RTL Télé Lëtzebuerg
Wat hutt dir léiwer: Hënn oder Kazen? A wat ass Ären gréissten Dram? Dat sinn nëmmen e puer vun de Froen, déi mir de jéngste Kandidate vun "all" de kandidéierende Parteie gestallt hunn an zwar an eiser-Serie "Kuerz a knapp" am Virfeld vun de Chamberwalen.

Episod 10 - De Joe Thein vun déi Konservativ
A mir sinn och scho beim leschten Episod vu "Kuerz a Knapp" ukomm. Et ass un der Lëscht 10: Déi Konservativ, déi eng éischte Kéier bei Chamberwalen dobäi sinn. Vue, dass dee jéngste Kandidat net disponibel war, hu mir missen op den zweet-jéngsten zréckgräifen an dat ass keen aneren, wéi de Parteipresident Joe Thein. Zanter méi wéi 10 Joer ass hie politesch aktiv. Mat 20 Joer ass hien an de Péitenger Gemengerot gewielt ginn an nom Ausschloss aus der ADR, huet hien d’lescht Joer seng eege Partei gegrënnt. Mir hunn de Joe Thein doheem besicht.

"Kuerz a knapp": Episod 10 - Joe Thein vun déi Konservativ (11.10.2018)
An dëser Serie interesséiere mir eis fir déi jéngste Kandidate vun alle Parteie fir d'Wale vum 14. Oktober.

Episod 9 - De Jonas Folschette vun Demokratie
E bëssen Ofwiesslung an eiser Wal-Serie, eng Biergerinitiativ: Demokratie. Hiren zweet-jéngste Kandidat ass de Jonas Folschette. Hien ass d’lescht Joer bei de Gemengewalen als onofhängege Kandidat matgaangen. De Jonas ass zu Leideleng an der Kommissioun fir d’Musek. Méi iwwert hie gitt dir kuerz a knapp gewuer.

"Kuerz a knapp": Episod 9 - Jonas Folschette vun Demokratie (09.10.2018)
An dëser Serie interesséiere mir eis fir déi jéngste Kandidate vun alle Parteie fir d'Wale vum 14. Oktober.

Episod 8 - Ben Muller vun Déi Lénk

An 10 Deeg ass et souwäit: Da geet Lëtzebuerg wielen. An eis Wal-Serie "Kuerz a Knapp" kënnt och sou lues op en Enn. Hei stelle mer Iech deen zweet-leschte Kandidat vir: de Ben Muller vun Déi Lénk. Scho viru 5 Joer, also am Alter vu 15 Joer, ass hien eng éischte Kéier mat der Politik a Kontakt komm. A senger Fräizäit engagéiert hie sech am Comité vum OGBL Kordall, an op Gemengen-Niveau ass hie Porte-Parole vun der Lokalsektioun. An elo no sengem Schoul-Ofschloss waart eng Rees op Bolivien op hien, wou de Ben 1 Joer laang am Fräiwëllegendéngscht wäert sinn. Méi iwwert de Ben, gëtt et elo an enger neier Episod "Kuerz a knapp".

"Kuerz a Knapp": Episod 8 - Ben Muller vun Déi Lénk (04.10.2018)
An der 8. Episod vun eiser Serie "Kuerz a knapp" hu mir de Ben Muller vun Déi Lénk befrot.


Episod 7 - De Felix Reding vun der adr
Et ass un der Lëscht 7 an eiser Wal-Serie an domat un der adr. Felix Reding heescht hire jéngste Kandidat a steet am Zentrum op der Lëscht. Mat 16 ass de Felix der adr bäigetrueden – den éischte Kontakt mat der Politik hat hien am Europäesche Jugendparlament. Viru kuerzem krut hie säi Bachelor-Diplom op der London School of Economics a wëll och weider studéieren. Zu Lëtzebuerg hu mir eis mat him getraff fir kuerz a knapp Froen ze beäntweren.

"Kuerz a knapp": Episod 7 - De Felix Reding vun der adr (02.10.2018)
An der siwenter Episod vun eiser Serie "Kuerz a knapp" hu mir de Felix Reding vun der adr befrot.


Episod 6 - De Jean-Pierre Roemen vun der DP

Jean-Pierre Roemen – en Numm, deen dir vläicht schonn héieren hutt. Säi Papp, de Rob Roemen, war nämlech Chefredakter vum "Lëtzebuerger Journal" a Buergermeeschter vu Leideleng. Säi Fils, de Jean-Pierre, sëtzt mëttlerweil am Gemengerot vu Leideleng a studéiert am drëtte Joer Droit op der Uni.lu. En Erasmus an der Schwäiz an ee Stage am Ausseministère huet hien och schonn hannert sech. Mir hate Rendezvous mam Jean-Pierre am Kino um Belval.

"Kuerz a knapp": Episod 6 - De Jean-Pierre Roemen vun der DP (27.09.2018)
An der fënnefter Episod vun eiser Serie "Kuerz a knapp" hu mir de Jean-Pierre Roemen vun der DP befrot.


Episod 5 - D'Elise Nunes vun der KPL

Hatt ass déi jéngst Kandidatin bei der KPL, Sängerin an enger Band a Psychologie-Studentin zu Metz. An der Politik ass hatt nei, mee prett fir sech de Walen am Oktober ze stellen. Wéi d’Elise eis Froe fonnt huet, gesitt dir hei an engem neien Episod "Kuerz a Knapp".

"Kuerz a knapp": Episod 5 - D'Elise Nunes vun der KPL (25.09.2018)
An der fënnefter Episod vun eiser Serie "Kuerz a knapp" hu mir d'Elise Nunes vun der KPL befrot.


Episod 4 - De Vincent Reding vun der CSV
Nodeems hien d'lescht Joer bei de Gemengewalen Éischtgewielte ginn ass, geet hien dëst Joer als jéngste Kandidat vun der CSV mat an d'Chamberwalen. Wéi déi aner Kandidaten och, ass de Vincent Reding scho ganz fréi mat Politik a Kontakt komm – ënnert anerem am Jugendparlament. Haut ass de geléierten Educateur Schäffen an der Gemeng Weiler zum Tuer. Mir hunn eis mam Vincent op der Fouer getraff, fir him puer Froen ze stellen.

"Kuerz a knapp": Episod 4 - Vincent Reding vun der CSV (20.09.2018)
An der véierter Episod vun eiser Serie "Kuerz a knapp" hu mir de Vincent Reding vun der CSV befrot.


Episod 3 - Den Amir Vesali vun der LSAP
Um Dënschdeg huet sech den Amir Vesali vun der LSAP eise Froe gestallt. Mat 10 Joer ass hien aus dem Iran op Lëtzebuerg komm, mat 16 huet hie sech scho politesch engagéiert an 3 Joer drop stoung hien un der Spëtzt vum Jugendparlament! Op Gemengen-Niveau ass den Amir Vesali zu Wolz an 3 Kommissiounen aktiv, an elo ass e Student op der Sorbonne.

"Kuerz a knapp": Episod 3 - Amir Vesali vun der LSAP (18.09.2018)
An der drëtter Episod vun eiser Serie "Kuerz a knapp" hu mir den Amir Vesali vun der LSAP befrot.


Episod 2 - D'Claire Remmy vun déi Gréng
No de Piraten, ass et un de Gréngen an un enger Kandidatin, déi dir vläicht scho mol bei eis gesinn hutt: d’Claire Remmy. Hatt war nämlech scho lescht Joer eng vun de jéngste Kandidatinne bei de Gemengewalen. Mat nëmmen 18 Joer ass hatt an de Stroossener Gemengerot gewielt ginn. Elo studéiert d’Claire Ekonomie zu Amsterdam a wéi hat sech bei eisem Froen- an Äntwert-Spill geschloen huet, gesitt Dir elo.

"Kuerz a knapp": Episod 2 - D'Claire Remmy vun déi Gréng (13.09.2018)
An der zweeter Episod vun eiser Serie "Kuerz a knapp" hu mir d'Claire Remmy vun déi Gréng befrot.


Episod 1 - De Joshua Ginter vun de Piraten
Dobäi geet et drëms, an 3 Minutte souvill Froen, wéi méiglech ze beäntweren an den Ufank mécht den Joshua Ginter vun de Piraten – oder besser gesot vun der PID. Déi zwou Parteien triede jo am Oktober zesummen un. Bei der Partei fir integral Demokratie ass de Joshua zanter engem Joer. Niewebäi ass en och Scoutschef, fräiwëllege Pompjee, am Comité vun engem Duerfveräin an nach villes méi, wéi Dir elo an eiser éischter Episod vu "Kuerz a knapp" wäert gewuer ginn.

"Kuerz a knapp": Episod 1 - De Joshua Ginter vun de Piraten (12.09.2018)
An der éischter Episod vun eiser Serie "Kuerz a knapp" hu mir den Joshua Ginter vun de Pirate befrot.


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.