VIDEO-ReportageWat fir en Afloss hu sozial Medien op d'Walen?

Mat de soziale Medie kënnen d'Politiker selwer bestëmmen, wéi si wëlle gesi ginn. Ouni de Filter vun der Press.

Wat fir en Afloss hu sozial Medien op d'Walen? (12.09.2018)
Mat de soziale Medie kënnen d'Politiker selwer bestëmmen, wéi si wëlle gesi ginn. Ouni de Filter vun der Press.
An esou gëtt aus dem seriöen CSV-Fraktiounschef Claude Wiseler vun de Konferenzen, den entspaante Motosfuerer Claude Wiseler. Op sengem Instagram-Konto wëll den CSV-Spëtzekandidat säin Image oppoléieren: de Familljemënsch, den Teamplayer, no un de Leit. Mat all Bild gëtt d'Geschicht weidergestréckt.

Sozial Medie schafen eng idealiséiert Welt, stimuléieren Emotiounen. Esou och beim François Bausch: vill Natur, gutt Kollegen, alles am grénge Beräich. Einfach dobäi sinn, geet awer net duer. Sozial Medie verlaange vill Zäit a Fleeg. E Konto soll gefiddert ginn, fir seng Follower net z'enttäuschen.

Op Twitter ass et d'Geschicht vun dräi Regierungs-Kollegen op der Fouer. De Xavier Bettel signaliséiert: Blo-Rout-Gréng geet et no 5 Joer Regierung nach gutt. Och den Etienne Schneider weess sech ze profiléieren: déi selwer ernannten "Superheroes" kréien 52 Häerzercher.

D’Messagë solle viral ginn, vun anerer gedeelt.

D'LSAP huet eng 70 Kuerzfilmer produzéiert. Woubäi et net jidderengem gegënnt ass, e gebuerene Schauspiller ze sinn.
Op de soziale Medien huet een e puer Sekonnen, fir e Message eriwwer ze ginn. A wat ass dann elo hänkebliwwen?

Komm mat op eisen Tweetdeck! #RTLwalen18: Bierger a Politik am Dialog hei op RTL.lu

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.