VIDEO - Neit Waasserschutz-ReglementIwwer 300 Leit ware fir Informatiounsversammlung zu Lëlz

Ronn 6.600 Hektar, déi landwirtschaftlech genotzt ginn, si vun dësem Schutzzone-Konzept ronderëm de Stauséi concernéiert.

Waasserschutz: 300 Leit op Informatiounsversammlung zu Lëlz (14.09.2018)
Den 22. Dezember soll dat neit Waasserschutz-Reglement a Kraaft trieden. Betraff si 6 Gemengen op der Uewersauer.

Et geet ëm 6.600 ha, déi ronderëm de Stauséi landwirtschaftlech genotzt ginn. Iwwer 300 Leit hunn an deem Kontext en Donneschdeg zu Lëlz un engem Informatiouns-Owend deelgeholl. De Christophe Hochard war fir eis op der Plaz.

Den 22. Dezember soll dat neit Waasserschutz-Reglement a Kraaft trieden. Betraff dovunner si 6 Gemengen op der Uewersauer.
Ronn 6.600 Hektar, déi landwirtschaftlech genotzt ginn, si vun dësem Schutzzone-Konzept ronderëm de Stauséi concernéiert.

Iwwer 300 Leit hunn an deem Kontext en Donneschdeg den Owend zu Lëlz un engem Informatiounsowend deelgeholl.
Schonns am Virfeld haten déi Responsabel aus dem Ëmweltministère, d’Carole Dieschbourg an de Claude Turmes, eng Delegatioun vu Baueren zu Gespréicher invitéiert.

© Christophe Hochard / RTL Télé Lëtzebuerg


Bei dëser Entrevue, déi eng 3 Stonne gedauert huet, ass een de Landwirten entgéint komm. Sou gouf ënnert anerem eng Derogatioun fixéiert, fir landwirtschaftlech Betriber um Eschduerfer Plateau. Si däerfen an Zukunft weiderhin hir Mëscht respektiv Gülle ausféieren.

Zil vun dëse Waasserschutzzonen ass et jo, d'Drénkwaasser ze schützen a propper ze halen. Wichteg wär et och, den Nitrat an de Phosphat am Stauséi ze begrenzen, fir de Bloalge keng Chance ze ginn.
D’Bierger aus de concernéierte Gemengen hunn vum 15. September bis de 15. Oktober Zäit hir Doleancë schrëftlech un hire respektive Gemengerot eranzereechen.

© Christophe Hochard / RTL Télé Lëtzebuerg


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.