MiedernachBänk am Haff vu Schoul a Flamen

An der Nuecht op e Samschdeg, kuerz virun Hallefnuecht, waren d'Pompjeeën aus der Fiels alarméiert ginn.

© CIS-Larochette
De Grond: Et war gemellt ginn, datt d'Gespär vun der Schoul zu Miedernach a Flame stéing.

Wéi d'Pompjeeën op d'Plaz koumen, konnte si awer direkt Entwarnung ginn. Et huet sech nämlech erausgestallt, datt just eng Bänk aus Holz ronderëm e Bam am bannenzegen Haff vun der Schoul gebrannt hat.

D'Leit, déi d'Feier gemellt haten, hate vu Wäitem vill Damp gesinn an haten ugeholl, datt et sech ëm ee Brand an der Schoul misst handelen.

Op der Plaz waren d'Pompjeeën aus der Fiels an dem Ärenzdall, d'Ambulanz aus der Fiels an d'Police vun Dikrech.



En Accident gouf et dann nach e Samschdeg de Moien um 8.40 Auer zu Bollenduerf. E Cyclist war do a Richtung däitsch Grenz ënnerwee, wéi e vun engem Auto ugestouss a blesséiert gouf.

Op der Plaz waren d'Ambulanz vun Iechternach, d'Pompjeeë vu Bäerdref an Iechternach an d'Police.