Identitéitsfroe si "mainstream" ginnASTI bedauert Course ënnert de Parteien, wie beschte Patriot ass

Identitéitsfroe sinn net méi just de Fonds de commerce vu rietsextreme Parteien, mä se si "mainstream" ginn.

© Pit Everling

ASTI bléckt op d'Walen / Reportage Pit Everling



Dat stellt d'ASTI bei der Analyse vun der aktueller Campagne fir d'Chamberwale fest. D'Associatioun fir d'Ënnerstëtzung vun Immigrante bedauert eng Course ënnert de Parteien, wien de beschte Patriot ass, notamment fir d'Lëtzebuerger Sprooch wéilte se sech alleguerte staark maachen.

De Sergio Ferreira vun der ASTI



D'ASTI betount allerdéngs, datt een d'Parteien net all an een Dëppen dierft geheien.

Wat déi eege Fuerderunge fir de 14. Oktober ugeet, do steet fir d'Associatioun eng besser politesch Participatioun vun Net-Lëtzebuerger weiderhi ganz uewen op der Prioritéite-Lëscht. D'Walrecht soll et op Basis vun der Residence an net der Nationalitéit ginn. D'Chambre des salariés sollt en direkt legislatiivt Initiativerecht kréien an d'Residenzdauer vu 5 Joer fir d'Gemengewale sollt ofgeschaaft ginn, esou nach d'ASTI.

De Congé linguistique sollt et iwwerdeems net just fir d'Lëtzebuerger Sprooch ginn. Dann ass d'Propositioun ze liese vun engem Observatoire fir Rassismus, Antisemitismus a Xenophobie. Fir d'ASTI ass et och nees un der Zäit, fir Leit ouni Pabeieren ze regulariséieren, sou wéi dat eng leschte Kéier 2013 gemaach gi war.

En Vue vum Aktiounsplang "Integratioun" wier et immens wichteg, datt zu Lëtzebuerg eng Politik vum sozialen Zesummenhalt gemaach gëtt, eng Politik, déi proaktiv a virun allem transversal wier.

PDF: Den offizielle Communiqué vun der ASTI

PDF: Propositioune vun der ASTI

 

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.