Norbert Konter RIPFréiere Maacher Buergermeeschter an Deputéierte gestuerwen

Den Norbert Konter, deen och President vun der Lëtzebuerger Futtball-Federatioun war, ass e Mëttwoch den Owend am Alter vun 90 Joer verscheet.

Eng Foto aus dem Joer 2017, wéi den Norbert Konter vun der CSV fir säin 90. Gebuertsdag gratuléiert krut.© CSV Maacher
Futtballspiller a Politiker, dat war den Norbert Konter, dee laang Jore wuel dat bekanntste Maacher Gesiicht op nationalem Niveau war.

De 14. Dezember 1927 ass hien zu Gréiwemaacher op d'Welt komm an huet vun 1960 bis 1987 als Gemengereceveur geschafft. Duerno goung seng politesch Carrière un, nodeems en ewell dat Joer virdrun, 1986, un d'Spëtzt vun der FLF koum. Bis 1998 war hien där hire President.

Den Norbert Konter am November 2008 (100 Joer FLF)


Als Kandidat vun der CSV ass den Norbert Konter 1987 zum Buergermeeschter vu Maacher gewielt ginn. Vun 1988 bis 1999 war hien dat. Vun 1989 bis 1999 war hien och Deputéierten an der Chamber.

E Mëttwoch den Owend ass den Norbert Konter am Alter vun 90 Joer gestuerwen.

RIP Nobert Konter: Noruff vum Joël Detaille



Den Norbert Konter gëtt e Samschdeg de Moien um 10.15 Auer zu Maacher begruewen, et ass en ëffentlecht Begriefnes. D'Mass ass duerno um 11 Auer an der Kierch och zu Maacher.

Är Condoleancen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.