Mat zwee Sëtz an der ChamberD'Pirate sinn de grousse Gewënner vun de Walen

Am Oktober 2009 gouf d'Piratepartei vun engen 20 Leit an der Stad Lëtzebuerg gegrënnt. Bal 10 Joer méi spéit sëtze si mat 2 Vertrieder an der Chamber.

D'Pirate sinn de grousse Gewënner vun de Walen (15.10.2018)
Am Oktober 2009 gouf d'Piratepartei vun engen 20 Leit an der Stad Lëtzebuerg gegrënnt. Bal 10 Joer méi spéit sëtze si mat 2 Vertrieder an der Chamber.
De Parteipresident Sven Clement koum am Zentrum op iwwer 8.000 Stëmmen. Hei hunn d'Piraten iwwer 59.500 Stëmme kritt an ee Sëtz.

Am Bezierk Süden geet och ee Sëtz un d'Partei mat der mofer Faarf. Ronn 126.800 Stëmme ginn op hire Konto. De Spëtzekandidat Marc Goergen kraazt un der 10.000-Stëmmen-Hürd.

Als ganz interessant, fënnt de Michel Dormal, Lëtzebuerger Politolog, de Phänomen "Piraten". A ganz Europa wär d'Zäit vun de Piraten schonn nees eriwwer, an Däitschland wäre se beispillsweis aus alle Landesparlamenter erausgeflunn, datt se elo zu Lëtzebuerger esou ee Succès hunn, wär een interessante Phänomen, sou de Michel Dormal. 

2013 sinn d'Piraten eng éischte Kéier bei Chamberwalen ugetrueden. Deemools goufen et eppes méi ewéi 96.000 Stëmmen oder ronn 3 Prozent. 5 Joer méi spéit kënne si hiert d'Resultat méi wéi verduebelen. A leie schlussendlech iwwer 6 Prozent.

Fir de Michel Dormal hätte virun allem jonk Leit d'Piraten ënnerstëtzt. Grond: Dës stéingen éischter méi op Distanz zu deenen etabléierte Parteien.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.