Schonn dee 5. IncidentNees e puer Autoen a Brand, déi Kéier zu Alzeng

Zu Alzeng an der Route de Thionville hunn um Freidegmoie kuerz no 4 Auer direkt e puer Autoe gebrannt. Am Asaz waren d'Pompjeeë vun Hesper.

Am Bulletin vum CGDIS stoung um Freideg de Moien, dass 4 Autoe gebrannt hätten. Am Police-Bulletin ass allerdéngs rieds vun 3 Autoen. Sécher ass op alle Fall, dass kengem Mënsch eppes geschitt ass.

© CIS Hesper


Domat hunn op en Neits am Raum Hesper-Alzeng Autoe gebrannt. Schonn d'lescht Woch den 3. an de 4. Januar waren zu Hesper, Réiser an um Houwald Nuets Gefierer gemellt ginn, déi a Flame stoungen. An deene verschiddene Fäll hat d'Police deemools Brandstëftung net ausgeschloss.

© CIS Hesper


© Olidom Multimedia


Am Kontext vun den Autosbränn huet d'CSV um Freideg de Mueren och schonn eng urgent parlamentaresch Fro un de Minister fir bannenzeg Sécherheet, de François Bausch, gestallt. D’Deputéiert Diane Adehm a Leon Gloden wollten do zum Beispill wëssen, ob ee speziellt Enquête-Ekipp en place gesat gouf an ob méi Personal op den Dossier ugesat gouf?

Géint 21 Auer en Donneschdeg den Owend hat et zu Beetebuerg an der Rue Sigefroi am Keller vun engem Eefamilljenhaus gebrannt. D'Rettungsdéngschter vu Beetebuerg, Diddeleng an aus dem Réiserbann waren op der Plaz, souwéi eng Ambulanz.

Kuerz no 17 Auer war zu Déifferdeng an der Avenue de la Libération eng Persoun vun engem Auto ugestouss an dobäi liicht blesséiert ginn.