Um Samschdeg den OwendGrouss Drogekontroll vun der Police am Norde vum Land

10 Beamten a 4 Police-Schüler waren zu Klierf an Ëmgéigend am Asaz. Dat ënnert anerem géint 22 Auer um Busarrêt an der Géigend vum Lycée.

© RTL-Archiv
Bei der Kontroll an engem Bus hunn d'Hënn vun der Police bei 6 Passagéier reagéiert. An 3 anere Busse goufen och Droge fonnt. Hei konnt de Besëtzer ënnert de Passagéier awer net identifizéiert ginn.

Am Ganzen konnte gutt 54 Gramm Haschisch, kleng Quantitéiten u Marihuana a Kokain an zwee Jointen saiséiert ginn.

Och an den Zich hunn d'Beamten no Droge gesicht.

Lescht Statioun war e Bal zu Klierf. Hei hunn d'Hënn nëmmen eng kleng Quantitéit un Drogen um Buedem gericht. Ma wéi et am Police-Bulletin steet, hätt de Besëtzer dës wahrscheinlech ewechgehäit, wéi en d'Police erbléckst hat.