VIDEO: Ëmweltministère deelt matBei den Déieren am Video handelt et sech kloer ëm Hënn

Tëscht Rammerech a Gréiwels, op der Héicht vum Réidengshaff, goufen e Samschdeg den Owend 2 Déiere gesinn Elo ass kloer: et si keng Wëllef, mä Hënn.

Bei den Déieren am Video handelt et sech kloer ëm Hënn (21.01.2019)
Tëscht Rammerech a Gréiwels, op der Héicht vum Réidengshaff, goufen e Samschdeg den Owend 2 Déiere gesinn Elo ass kloer: et si keng Wëllef, mä Hënn.

Wéi den Ëmweltministère RTL géigeniwwer matgedeelt huet, sinn déi 2 Déieren, déi een am Video gesäit ganz kloer Hënn. Dat géif een u ville Charakteristike wéi d'Lafen, d'Form, Faarf oder d'Ouere beispillsweis erkennen. An eise Kommentare gouf och dacks ënnerstrach, dass an der Géigend ëmmer emol ërem2 Huskyen der Géigend ausgesbéchst sinn.

Wéi eis de Ministère och gesot huet, géifen d'Urin-Prouwe vun engem méigleche Wollef deen zu Käerch gesi gouf, nach analyséiert ginn. Hei géif een an 2 Woche mat engem Resultat rechnen, soll d'Prouf duergoen, fir e Resultat erauszekréien.

Gefilmt goufen déi Zwee e Samschdeg den Owend géint 20.30 Auer. Parallel krut RTL och nach eng Noriicht um Repondeur, dass 2 Wëllef zu Heeschpelt gesi goufen, dat géint 21.15 Auer. D'Chance ass grouss, dass et déi selwecht 2 waren.

Och wann elo gewosst ass, dass 2 Hënn um Tour waren, déi zwee hunn op alle Fall vu sech schwätze gedoe bei hirem Ausfluch um Samschdeg den Owend.


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.