197 Chaufferen ugehalenAlkoholkontroll zu Rëmeleng a Schëffleng

Op Uerder vum Parquet goufen och an der Nuecht op e Sonndeg op 2 Plazen am Land Alkoholkontrollen duerchgefouert. Vun 197 Chaufferen, haten der 5 gedronk.

© RTL Archivbild
Tëscht 23 an 00.30 Auer hat d'Police an der Rue des Martyrs zu Rëmeleng d'Automobiliste gestoppt a se op Alkohol getest. Vun den 132 Chaufferen haten der 2 gedronk. Ee Permis gouf nach op der Plaz agezunn.

Zu Schëffleng an der Rue du Moulin stoungen d'Beamten tëscht 1.30 an 3 Auer. Do goufe 65 Chaufferen op Alkohol getest, vun deenen der 3 ze déif an d'Glas gekuckt haten. Och hei huet ee säi Führerschäi missen ofginn.

Wéi d'Police awer nach mellt, waren um 18 Auer zu Bartreng an um 1.45 Auer zu Esch nach 2 Automobilisten negativ opgefall. A béide Fäll war Alkohol am Spill.