Plus vu 700.000 LiterBrasserie Nationale huet 2018 knapp 3 Milliounen Humpe méi gebraut

D'Produktioun an och de Verkaf vum Béier ass beim Produzent vu Bofferding, Battin a Co 2018 geklommen.

Zefridde Gesiichter e Mëttwoch de Moie bei der Brasserie Nationale, déi hir Chiffere vun zejoert presentéiert huet.
Si huet am ganzen eng 155.000 Hektoliter Béier gebraut, dat ass am Verglach mam Joer virdrun e Plus vun iwwer 700.000 Liter, oder anescht gerechent e Plus vu bal 3 Milliounen Humpen.

Dat méi duuschteregt Joer ass natierlech och an der Keess ze spieren, den Ëmsaz louch bei 10,7 Milliounen Euro, dat si 4 Prozent méi an d'Resultat virun Zënse, Steieren an Ofschreiwungen ass ëm 2,5 Prozent geklommen, op 4 Milliounen Euro.
Dréche Chifferen, fir ze soen: zu Lëtzebuerg gëtt nach ëmmer gäre Béier gedronk.

Zuele Brasserie Nationale / Reportage Dany Rasqué



Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.