Madoff-StilAppellprozess: 5 Joer Prisong, 4 mam Sursis a Bedruchsaffär

5 Joer Prisong, 4 dovu mat Sursis, an eng Geldstrof vun 20.000 €: Dat war d’Uerteel op der Cour d’appel an der Stad an enger grousser Bedruchsaffär.

De Veruerteelte war dowéinst an 1. Instanz nach zu enger Prisongsstrof vu 6 Joer, 3 dovu mat Sursis probatoire, condamnéiert ginn.

Am Ganze waren 3 Männer illegal Bankaktivitéite virgehäit ginn; si haten eng 110 Leit bei d’Lisette gelooss, fir eng Zomm vu bal 4,5 Milliounen €. Den Haaptenquêteur vun der Police judiciaire hat am 1. Prozess vun engem Bedruch am Madoff-Stil geschwat.