CGDISEen Accident an een Auto a Flamen um Dënschdegowend

An der Stad sinn en Dënschdeg op der Diddenuewener Strooss um 19 Auer zwee Autoen net laanschtenee komm. Zwou Persoune goufe blesséiert.

D'Ambulanzen aus der Stad a vu Beetebuerg waren op der Plaz, grad wéi den Asazzenter aus der Stad.

Zu Sandweiler stoung ëm déi selwecht Zäit een Auto an der Lëtzebuerger Strooss a Flamen. Hei blouf et beim Materialschued. D'Pompjeeë vu Sandweiler hu geläscht.

E Mëttwoch de Moie géint 7.40 Auer gouf et en Accident mat 3 Autoen op der A3 tëscht Diddeleng an dem Beetebuerger Kräiz. 1 Persoun gouf heibäi liicht blesséiert. D'Ambulanz an den Asazzenter vun Diddeleng waren op der Plaz, grad wéi den Asazzenter Beetebuerg.