VIDEO: ADR-KongressDéi 3 Haaptpilieren: Wuesstem, Lëtzebuerger Sprooch a Famill

D'ADR huet hir Truppen e Samschdeg den Owend op engem Kongress zu Bouneweg nach emol a Walstëmmung bruecht.

ADR-Kongress (23.09.2018)
Déi 3 Haaptpilieren: Wuesstem, Lëtzebuerger Sprooch a Famill

De Parteipresident Jean Schoos an den Deputéierten Gast Gibéryen hunn d'Kandidaten 3 Woche virun de Walen encouragéiert, dobäi huet de Gast Gibéryen déi dräi Haaptsujeten nach emol betount, virop e verstännege Wuesstem an dann natierlech d'Lëtzebuerger Sprooch.

ADR-Kongress / De Reportage vum Dany Rasqué

Wéi de Gast Gibéryen betount, hätt keng aner Partei sech iwwer all déi Joren systematesch a kompromësslos fir d'Lëtzebuerger Sprooch agesat. Lo kuerz virun de Walen wieren déi aner Parteien och op eemol fir eis Sprooch, géife sech quasi iwwerschloen fir de Leit hiren Asaz ze weisen. A Wierklechkeet wier et just d'Angscht, de Wieler kéint dowéinst d'ADR wielen. Ma eng Kopie wier ni esou gutt wéi d'Original an den Original ass d'ADR.

De Gast Gibéryen

En anere Sujet, deen d'ADR e Samschdegowend nach emol ervirgehuewen huet, war d'Familljepolitik, virop mam Elteregeld. Iddie mat deenen d'Partei jo de 14. Oktober bei de Wieler punkte wëll.

© Olidom Multimedia


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.