Dageshoroskop vum 28/03/2017

Widder - 21. Mäerz bis 20. Abrëll
Dir sidd haut richteg éiergäizeg an disziplinéiert. Egal wat Iech ënner d'Fanger kënnt geléngt Iech.

Stéier 21. Abrëll bis 20. Mee
Wann Dir haut eppes onbedéngt wëllt, kënnt Dir richteg dominant ginn. Net jidderengem gefält dat.

Zwilling 21. Mee bis 21. Juni
Mat anere Leit schaffen a kommunizéieren mécht Iech richteg frou. Och den Owend sollt Dir net eleng doheem bleiwen.

Kriibs 22. Juni bis 22. Juli
Net aus all sympatheschem Kontakt ergëtt sech eng Frëndschaft. Sidd net traureg driwwer, ma kuckt déi positiv Säit drun.

Léiw 23. Juli bis 23. August
Déi Persoun déi Iech haut widdersprécht, huet et net gutt. Dir verdrot keng Kritik a gitt séier an d'Offensiv.

Jongfra 24. August bis 23. September
Wann Dir d'Vertraue vun enger Persoun wëllt gewannen, musst Dir Gedold hunn. Dat geet net vun haut op muer.

Woo 24. September bis 23. Oktober
D'Harmonie an der Relatioun ass e schwéiert Thema. Wat Dir méi diskutéiert, wat et méi komplizéiert gëtt.

Skorpioun 24.Oktober bis 22. November
Wann Dir berufflech onzefridde sidd, sollt Dir Iech elo op d'Been setzen an driwwer schwätzen, oder Iech eng aner Plaz sichen.

Schütze 23. November bis 21. Dezember
De ganzen Dag iwwer sidd Dir zimlech nervös an dat entgeet och Äre Matmënschen net.

Steebock 22. Dezember bis 20. Januar
Eleng sinn ass Gëft fir Äert Gemitt. Dir braucht Leit ronderëm Iech fir Iech gutt ze fillen.

Wassermann 21. Januar bis 19. Februar
Äre Kapp ass voller Iddie mat Saachen, déi Dir gär wëllt maachen. Schreift se op, da verpasst Dir och näischt.

Fësch 20. Februar bis 20. Mäerz
W.e.g. net stéieren! Am Léifste géift Dir Iech haut an engem Eck verkrauchen an deem keen Iech fënnt.