Widder 21. Mäerz bis 20. Abrëll
Un Iech ass et de Rot, Iech net vun där Hektik déi ëm Iech herrscht ustiechen ze loossen.

Stéier 21. Abrëll bis 20. Mee
Och bei Iech rutscht d'Aarbecht net immens, Dir hutt séier eppes vertässelt oder maacht e Feeler.

Zwilling 21. Mee bis 21. Juni
Dir sollt Iech e Plang maachen, wat Dir wou braucht, sou erspuert Dir Iech onnéideg Weeër.

Kriibs 22. Juni bis 22. Juli
Dir sidd richteg oppen haut an dat kënnt bei Äre Matmënsche ganz gutt un.

Léiw 23. Juli bis 23. August
Maacht emol fir een Dag, wat Iech an de Kapp kënnt, dat gëtt bestëmmt flott.

Jongfra 24. August bis 23. September
Läit Iech eppes um Mo? Da schwätzt mat der concernéierter Persoun. Dir hutt haut e gutt Gefill fir déi richteg Wierder ze fannen.

Wo 24. September bis 23. Oktober
Verlaangt net méi vun aneren, wéi Dir selwer bereet sidd ze ginn.

Skorpioun 24.Oktober bis 22. November
Dir sidd haut net liicht zefridden ze stellen. Dir hutt ëmmer iwwerall eppes auszesetzen.

Schütze 23. November bis 21. Dezember
De Stress vun de leschten Deeg leet sech. Et kommen endlech méi roueg Zäiten op Iech duer.

Steebock 22. Dezember bis 20. Januar
Firwat kacht Dir net mol nees eng Kéier an invitéiert e puer Kollegen? E flotten Owend ass da garantéiert.

Wassermann 21. Januar bis 19. Februar
Dir spiert, datt et besser ass e Rendez-vous ofzesoen oder en ze verleeën.

Fësch 20. Februar bis 20. Mäerz
Mol eng Kéier no sech selwer kucken, dat hutt Dir Iech haut virgeholl, ma dat ass gutt a wichteg fir Iech.