Dat ass e Babyboom!76 schwanger Infirmièren an engem Spidol

Eng 150 Kilometer ewech vu München läit d'Uertschaft Deggendorf, déi knapp 32.000 Awunner zielt.

U sech gëtt et zu Deggendorf näischt Besonnesches ... bis op d'Spidol, an dat suergt aktuell fir vill Schlagzeilen a ganz Däitschland.

Am Donau-Isar-Klinikum sinn aktuell 76 Infirmièren an aneren Ëmstänn, dat huet d'Deggendorfer-Zeitung Enn Januar geschriwwen. An der Uertschaft gëtt iwwer e besonnesch fläissegen Dokter spekuléiert a gegrinst.

Ma esou lëschteg dës Nouvelle och ass, steet d'Spidol virun engem grousse Problem, well an den nächste Wochen a Méint déi 76 Infirmièren all an de Congé de Maternité wäerte goen. Dëst ass e grousse Chiffer, wann ee bedenkt, datt ronn 850 Leit als Fleegepersonal do schaffen.