Zu Käl gesinnInteressant Konstruktioun op engem Schantjen

An de soziale Medien zirkuléiert eng Foto vun engem Schantjen zu Käl, bei där munch Leit musse grinsen. Ma et gëtt natierlech eng Erklärung ...

Zu Käl bei der Kierch gëtt eng Residence gebaut.

Well vill Leit sech e Balcon bei hirem Appartement wënschen, goufen natierlech och Balcone gebaut.

Blöd ass just, wann do e Luuchtepotto am Wee steet ... ma och fir esou Fäll gëtt et Léisungen :)

Wéi een op de Fotoe gesäit, gouf ronderëm gebaut - awer natierlech net aus Dommheet, wéi RTL confirméiert krut.

Et goufen Autorisatiounen an Oploen an no deene wier gebaut ginn. Datt de Potto do, wou en elo steet, hënnert, wier jo kloer, dofir wier et dann och evident, datt en ewechkéim ... et misst nach just gekuckt ginn wuer.

Well esou wier et zwar wuel originell, ma vläicht net besonnesch interessant fir Keefer - wie sech also elo well op e Balcon mat Potto gefreet hat, dee musse mir enttäuschen: De Potto kënnt fort an alles huet seng Uerdnung!