D'Bunnye sinn am TrauerDoud vum Playboy-Grënner Hugh Hefner

De Millionär a gréisste Playboy vum leschte Joerhonnert ass am Alter vun 91 Joer gestuerwen.

Hie soll friddlech doheem ageschlof sinn am Krees vu senger Famill a Frënn. Zanter Méint hat et Rumeure ginn, dass hie schwéier Kriibskrank wier.



Virun iwwer 60 Joer hat de Millionär d'Zäitschrëft gegrënnt an esou d'Fundament fir seng Legend geluecht. Am Dezember 1953 ass déi éischt „Playboy" mam Marilyn Monroe um Cover erauskomm.



D'Mëschung aus Fotoe vu plakege Fraen, Artikelen, Interviewen, Männerwitzer an Tuyauen am Ëmgang mam anere Geschlecht, huet an de Joren duerno fir ëmmer, d'Perceptioun vun enger deemools prüder amerikanescher Populatioun komplett changéiert. 

Mat senger Zäitschrëft, wou hie bis haut nach Chefredakter war, huet hien op der ganzer Welt d'Männer begeeschtert. Donieft war hien d'Mooss vun alle Saachen, wann et drëms gaangen ass, wéi e Playboy ze liewen.

De Hugh Hefner huet mam Playboy ee Imperium geschaaft, deem säi Wäert haut op 500 Milliounen Dollar geschat gëtt.

A sengem Liewe war de Hugh Hefner, deen aus engem ganz konservativen Elterenhaus koum, dräi Mol bestuet an huet 6 Kanner. Aktuell war hie mam fréiere Playmate Crystal Harris bestuet, datt 60 Joer méi jonk ass wéi hien.



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.