Schwanger a gutt gelauntD'Herzogin Kate danzt mam Paddington Bear

Zanter de Prënz William a seng Fra Kate Uganks September annoncéiert hunn hiert drëtt Kand z'erwaarden, huet een d'Duchess néierens méi gesinn. Bis elo.

Bei den éischten zwou Schwangerschaften huet d'Catherine ënnert enger uerger Form vu Schwangerschafts-Iwwelzegkeet gelidden, och bei der drëtter Schwangerschaft ass hir dat wuel net erspuert bliwwen. Wéi et ausgesäit, schéngt déi kritesch Phas awer lo iwwerwonnen. 

Schonn Uganks der Woch huet sech d'Kate bei enger Soirée am Buckingham-Palace am Kader vum internationalen Dag vun der psychescher Gesondheet presentéiert.

© AFP


A gutt gelaunt, konnt een d'Fra vum britesche Prënz William dës Lescht um berühmte Paddington Station gesinn, wéi si mat engem Maskottche vum bekannte Paddongton Bear gedanzt huet. D'Prënzekoppel an de Prënz Harry ware fir en Iwwerraschungsbesuch op London gefuer, fir do zesumme mam Bier de Kanner eng Freed ze maachen.

Et loung op der Hand, datt eng ganz Partie Leit sech net fir den Danz intresséiert hunn, méi awer, ob ee schonn éischt Schwangerschafts-Unzeechen erbléckst. An effektiv, huet sech ënnert dem Rack e klenge Bäichelchen ofgezeechent.