VIDEO: Virfaren aus dem Grand-DuchéËmmer méi Amerikaner wëlle Lëtzebuerger ginn

Eleng dëst Joer koume scho méi wéi 300 Demandë vun US-Bierger aus de States, déi sech opgrond vun engem Famillje-Lien wëllen naturaliséiere loossen.

D'Raphaëlle Dickes huet zu New York e "frëschgebakenen" amerikanesche Lëtzebuerger kennegeléiert an eng jonk Fra, déi hofft, och geschwënn derzouzegehéieren.

D'Lisa Wilkie war nach ni zu Lëtzebuerg, den Daniel Atz bis ewell eng Kéier. Hien ass zanter 2013 Lëtzebuerger. D'Lisa huet seng Demande viru Kuerzem agereecht.

Méiglech ass dëst duerch den Artikel 29 am Naturaliséierungsgesetz vum 23. Oktober 2008. Dëse beseet, datt Nokommen an direkter Linn vu Leit, déi am Joer 1900 d'Lëtzebuerger Nationalitéit haten, sech kënnen naturaliséiere loossen.

Zanter d'Gesetz 2009 a Kraaft getrueden ass, si méi wéi 800 Demanden aus den USA komm. Besonnesch an de leschten 3 Joer ass d'Nofro massiv an d'Luucht gaangen. Bis ewell koumen eleng dëst Joer 315 Ufroen eran ... Béis Zonge behaapten, de President Trump hätt eppes domadder ze dinn. Ass dat esou? Firwat wëlle Staatsbierger vun den USA - déi mächtegst Natioun vun der Welt - eis Nationalitéit? Wéi empfanne si hirem zweeten Heemecht-Land géintiwwer?

Bei enger Bouneschlupp erzielt den Daniel Atz eis, wéi hie seng Lëtzebuergesch Säit entdeckt huet a sech an Zukunft nach méi fir de Grand-Duché asetze wëll. Datt d'Lisa Wilkie zu Manhattan op senger Daachterrass Mais uplanzt, huet och eppes mat senge Lëtzebuerger Originnen ze dinn.

Kuckt hei de Reportage:



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.