Op sengem leschte Schaffdag ...Twitter-Employé desaktivéiert Trump-Account

Fir kuerz Zäit war dem Donald Trump säi Privat Account op Twitter desaktivéiert. 11 Minutte laang war de Compte nämlech vum Netz geholl ginn.

Fir säi leschten Dag an der Firma huet nämlech en Twitter-Mataarbechter mol einfach decidéiert, dem amerikanesche President Donald Trump säin Account ze desaktivéieren.

Sai Privaten, net den offiziellen. Ma fir 11 Minutten war den Donald Trump net méi op Twitter. Ufanks hat d'Netzwierk nach vun engem "mënschleche Feeler" geschwat, et géif een de Virfall iwwerpréiwen, fir datt esou eppes net méi virkënnt.

Ronn 41,7 Millioune Leit suivéieren den amerikanesche President iwwer säi Private Kont. Deen offiziellen Account zielt just eng 20 Millioune Lieser.

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.