"The Voice of Germany"Jimmy Risch am Team Yvonne, Christine Heitz am Team Fanta4

An der leschter Blindaudition vun The Voice of Germany waren esouguer zwee Lëtzebuerger mat dobäi.

© Screenshot Pro7
Nach virun der éischter Paus ass den Jimmy Risch presentéiert ginn, deen dann no der Ënnerbriechung och "Colorblind" vun de Counting Crows sange konnt. Laang huet sech keen ëmgedréint, well den Jimmy awer net all Toun getraff huet, wéi d'Fanta4 erkläert hunn. Ma d'Yvonne Catterfeld war awer esou begeeschtert vun der Stëmm, datt si einfach huet missen drécken. Hirer Meenung no huet de Lëtzebuerger eng Cool Stëmm, hie misst awer nach méi weisen...





Méi spéit war et dunn um Christine Heitz, mat "Don't kill my vibe" vum Sigrid konnt hat esouguer 3 vun de 4 Coachen iwwerzeegen. Just de Marc Forster huet net gedréckt. D'Energie an der Stëmm an déi ënnerschiddlech Facetten hunn d'Coachen iwwerzeegt, fir beim Christine ze drécken. Entscheet huet déi jonk Lëtzebuergerin, déi fir Infirmière léiert, fir bei d'Fanta4 ze goen, woumatter d'Team Fanta komplett wier.



Christina


Schonn déi lescht Woch konnt sech d'Christina Rodrigues duerchsetzen. Hei all d'Informatiounen am RTL-Artikel:

RTL-NEWS: "The Voice of Germany"Lëtzebuergerin Christina Rodrigues am Team Catterfeld!

Mir drécken allen dräi Kandidaten aus dem Grand-Duché d'Daumen a wënsche bonne Chance.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.