1 Millioun Euro SchuedDeierste Fläsch Wodka vun der Welt zu Kopenhagen geklaut

D'Fläsch Russo-Baltique, déi schonn an der Netflix-Serie "House of Cards" ze gesi war, gouf aus engem Bistro zu Kopenhagen geklaut.

Op dëser Plaz stoung d'Fläsch nach op Neijoerschdag.© AFP
Wéi et vun der Besëtzerin heescht, wier d'Fläsch vun engem russesche Geschäftsmann un d'Bar ausgeléint ginn a wier och net verséchert gewiescht. Op der Iwwerwaachungskamera gesäit een, wéi e maskéierte Mann an der Nuecht op en Dënschdeg d'Regal vun de Fläschen duerchsicht huet, bis hie sech dës Fläsch aus der Bar "Cafe 33" gekrallt huet a fortgelaf ass. D'Besëtzerin Ingberg geet dovunner aus, datt déi Persoun e Schlëssel vun engem Ex-Mataarbechter hat.

D'Police vu Kopenhagen huet vis-à-vis vun AFP confirméiert, datt een an dësem Fall géif ermëttelen, well d'Fläsch Russo-Baltique, an enger mat Gold verschéinerter Fläsch, ronn e Wäert vun enger Millioun Euro huet.



An der Netflix Serie "House of Cards" hat déi Fläsch iwwregens och en Optrëtt, well de President Frank Underwood, gespillt vum Kevin Spacey, krut aus dëser Fläsch e Wodka erausgeschott.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.