VIDEO: Charity-EventVill Glamour um russesche Bal

De russesche Bal gëllt a senge Kreesser als en Highlight vum Joer.

En Event mat vill Glamour: de russesche Bal (15.01.2018)
Fir di 7. Editioun vun dësem glamouréisen Charity-Bal koumen Russen a Lëtzebuerger, déi Schéin an déi Räich zesummen, fir an dat russescht neit Joer ze feieren.
Hei treffe sech déi Schéin an déi Räich, Russen a Lëtzebuerger, a feieren zesummen an dat neit Joer, wat jo a Russland, anescht wéi bei eis, de 14. Januar ufänkt. Dofir gëtt grouss opgedëscht: e chique Kader, deier Kleeder, exquisit Iessen. Jo, et muss een déif an d’Täsch gräifen, fir mat dobäi ze sinn, mä mam Erléis gëtt och eppes fir den gudden Zweck gemaach oder et gi Businessrelatioune geknäppt.

Den Erléis vun dëser 7. Editioun ass fir SOS Village Enfants Maonde an déi russesch Associatioun Podsolnux, déi sech ëm Kanner mat Immunkrankheete këmmert. An de ganzen Editioune si schonn 280.000 Euro zesumme komm an déi russesch-lëtzebuergesch Frëndschaft gouf verdéift.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.