E mega SuccèsSchong mat integréiertem Ticket fir Bus a Bunn zu Berlin

Ronn 500 Exempläre goufe vum spezielle Schong hiergestallt, deen d'BVG zesumme mat enger Sportmark entwéckelt huet.

© AFP
Vill Leit hunn extra virum Buttek campéiert, fir esou e Schong kënnen ze kréien, Präis 180 Euro. Am Buttek selwer gouf et schonn eng Waardelëscht fir dëse Schong. Déi 500 Persounen, déi de Schong kaf hunn, kënnen domadder zu Berlin mam Bus, mat der U-Bahn, mat der S-Bahn a mat der Fähr fueren, esou laang een d'Schong unhuet. Dëst, well en Ticket fir déi ganz BVG mat am Schong verbaut ass.

Dës Sneakers sinn Deel vun der Kampagne "Weil wir dich lieben", mat deenen d'BVG, also d'Berliner Verkehrsbetriebe, sech méi e jonkt Image wëlle ginn an esou  jonk Leit nees op den ëffentlechen Transport bréngen.

Virum Buttek zu Berlin Kreuzberg stoungen d'Leit Schlaang, verschiddener hunn esouguer, wéi een et beim Start vun engem neien iPhone kennt, virun der Dier campéiert, fir ee vun de Sneaker ze kréien.




Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.