VIDEO: Aus al maach neiNohaltegkeet, e wichtegt Thema op der Berliner Fashion Week

Vum 15. bis den 19. Januar versammelt sech zu Berlin déi däitsch an déi international Moudezeen. Eng 2000 Labele sinn do vertrueden.

Upcycling op der Fashion Week zu Berlin (17.01.2018)
Gëscht huet zu Berlin d' Fashion Week ugefaangen, nieft New York, Paräis oder London huet sech och déi däitsch Haaptstad zu engem feste Rendez-vous ginn.

Fir eis zu Berlin ass d'Sandie Lahure, wat feststellt, dass dëst Joer een Thema omnipräsent ass: an zwar eng nohalteg Moud.

E Méindeg huet zu Berlin d'Fashion Week ugefaangen. Nieft New York, Paräis oder London huet sech och déi däitsch Haaptstad an Tëschenzäit zu engem feste Rendez-vous an der Moudewelt etabléiert. 4 Deeg laang defiléiere bei de sëlleche Showe wonnerschéi Modelen an nach méi schéine Kleeder a presentéieren déi nei Trends. D'Fashion Week zitt all Joer méi Leit un a kann definitiv mat de grousse Moude-Stied mathalen. Kee Wonner, well zu Berlin do ginn d'Catwalken op ganz spezielle Locatiouns opgeriicht. Fréier sinn d'Modelen zum Beispill am Fluchhafen Tempelhof gelaf, dëst Joer ass et ënnert anerem am berühmt-berüchtegte Club Berghain oder och am Kraaftwierk, wat fréier d'Wärmeversuergung vum Quartier Berlin Mitte garantéiert huet.

D'Kraaftwierk zu Berlin ass eng éischte Kéier als Event-Site bei der Berliner Fashion Week mat dobäi. D'Fashion Show presentéiert hei Labelen, déi Wäert op Nohaltegkeet an Ethik leeën. 70 Prozent vun all Label, deen do presentéiert gëtt, muss no deene Kritäre produzéiert ginn. 

Mat ausrangéiertem Gezei komplett nei Kollektiounen ze schneideren ass en Trend, deen och de Wilfried Plezinger bei senge Kreatioune suivéiert. Den Designer kreéiert aus ale Sportkleeder, wéi beispillsweis alen Hockeytrikoten, Boxe, Räck a Jacketten.

© RTL Télé Lëtzebuerg


80 Millioune Kleeder gi weltwäit all Joer produzéiert, 3/4 sollen dovunner schonn no kuerzer Zäit an der Drecksbac landen, nohalteg ass dat net.

Kleeder ze recycléieren, de sougenannten Upcycling, ass net nëmmen ëmweltfrëndlech et ass allgemeng och a Punkto Produktioun ethesch méi korrekt, mat faire Léin fir d'Néieschen, déi aus al nei maachen.

An der Woch vum 22. Januar ginn et am Magazin op der Télé weider Biller a Reaktioune vun der Fashion Week zu Berlin.



Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.