VIDEOEN: Am Groussen TheaterEe Réckbléck op d'Media Awards 2018

En Donneschdeg den Owend war et erëm esou wäit. Am Kader vun enger offizieller Zeremonie goufen déi beschte Publicitéiten aus dem Land ausgezeechent.

Ee Réckbléck op d'Media Awards 2018 (05.02.2018)
D’Media Awards, organiséiert vun RTL a Maison Moderne, sinn ëmmer erëm e groussen Happening.

D’Media Awards, organiséiert vun RTL a Maison Moderne, sinn ëmmer erëm e groussen Happening. An dëst Joer gouf dat Ganzt nach e Krack méi feierlech. D’Präisser goufen nämlech am Groussen Theater verdeelt.

D'Pascale Kauffman vum Jury am Interview mam Sandie Lahure (01.02.2018)
Virun der grousser Zeremonie war jiddereen op d'Gewënner vun de Media Awards 2018 gespaant. D'Membere vum Jury hu se awer scho kannt.


Iwwer 800 Professioneller aus dem Marketing an der Kommunikatioun ware bei dësem wichtegen Event fir Annonceuren, Agencen a Kreativer aus der Publicitéit um Rendez-Vous. Belount mat Gold, Sëlwer a Bronze goufe besonnesch kreativ Wierker aus de Beräicher Televisioun a Kino, Internet, Presse, Presse B2B, Cross-Media an dem Radio.

D'Gewënner am Iwwerbléck:
An der Kategorie TV/Cinéma ass den éischte Präis un d'Agence BetoCee gaangen, fir hir e Spot fir Sources Rosport.



Beim Radio war de Präis fir de Spot vu Peinture Antony, gemaach vun IP Productions.

Spot Peinture Antony



Bescht Campagne an der Press ass déi vum Ministère de l'égalité des chances, realiséiert vu plan K



An der Kategorie Press B2B goung de Präis u Comed, déi eng Publicitéit fir d'Chambre de Commerce gemaach hunn.



Am Beräich Cross-Média, also Publicitéiten, déi op verschiddene Medien ze gesi sinn, hat d'Agence VOUS mat enger Campagne fir d'BCEE Spuerkeess déi beschten Iddi.



Gedeelt hu si sech den éischte Präis mam MDDI, déi mat enger Campagne vu Mikado Publicis ugetruede sinn.

MDDI Media Awards



De Prix du public
Net nëmmen de Jury konnt d'Präisser op de Media Awards verginn. Mä op RTL.lu hu mer dem Public d'Méiglechkeet ginn, fir déi hirer Meenung beschte Publicitéiten, Reklammen a Campagnen ze wielen. Hei sinn är Gewënner:

Genau wéi de Jury, huet och de Public an der Kategorie TV/Cinéma  den éischte Präis un d'Agence BetoCee ginn , fir hir e Spot fir Sources Rosport.



An der Kategorie Radio war de Präis fir d'Spotte vun der Luxair, déi vu Mikado Publicis realiséiert goufen.

Media Awards: Prix du Public fir Luxair



Losch Luxembourg hat déi beschte Campagne um Internet, wann et de User nogeet. Realiséiert gouf se vun BetoCee.



D'Graphiserie Générale hat et den Lieser vun der Press ugedoen, datt mat enger Affiche fir Kirsch, Le Boucher



Déi ganzt Klassementer fannt Dir um Site vun de Media Awards

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.