Nation BrandingApp mat de Lëtzebuerger Emojie schonn 23.000 Mol erofgelueden

Um Twitter huet d'Staatssekretärin Francine Closener matgedeelt, datt d'App mat den EmoXie schonn 23.000 Mol erofgeluede gouf.

© Patrick Greis



Vizepremier Schneider mat Dëlpes-Emoji an den Nationalfaarwen

Lëtzebuerg huet jo viru Kuerzem seng eegen Emojien, EmoXie genannt, lancéiert an den Etienne Schneider hat sech där um Virowend een "agefaangen" ...

... fir duerno festzestellen, datt een e guer net méi esou einfach vun der Haut oder a sengem Fall: vun der Hand kritt.

Dobäi hat sech den Etienne Schneider net egal wat fir een Emoxi opschwätze gelooss: DËLPES stoung do tëscht dem rout-bloen X aus dem Brand "Luxembourg - Let's make it happen". Wat een net alles am Déngscht vum Nation Branding mécht ...

© Patrick Greis


Kuerz virun Nationalfeierdag hat Lëtzebuerg jo seng eegen Emoji-Kollektioun lancéiert: 120 fix an animéiert Pictogrammen, also Smilyen an Ausdréck, déi déi verschidde Facettë vum Grand-Duché erëmspigele sollen. Dorënner eben och Dëlpes, ma och Klibber mech, Tutebatti, Gromperekichelcher, de Superjhemp oder nach den Tram.

RTL-NEWS: Dëlpes, Klibber mech, Tutebatti ...120 Emojien extra fir Lëtzebuerg!

D'Lëtzebuerger EmoXien si vu lo u gratis fir Smartphone erofzelueden. Via den Internetsite www.emoxies.lu.



Ma net just den Dëlpes-Emoji huet fir Small-Talk um Bord vun de Feierlechkeete fir Nationalfeierdag gesuergt, och zum Beispill eng Krawatt ...

© Patrick Greis