VIDEO: Mat der Fra um Bockel23. Editioun vun de "Wife-Carrying World Championships" a Finnland

Fir déi 23. Kéier war zu Sonkajärvi a Finnland de “Carrying Wife World Championsship”, e Parcours mat der Fra um Bockel.

"Wife-Carrying World Championships" a Finnland (12.09.2018)
Fir déi 23. Kéier war zu Sonkajärvi a Finnland de “Carrying Wife World Championsship”, e Parcours mat der Fra um Bockel.
Déi eng hunn et méi schwéier, déi aner net esou, eppes ass awer séier erkläert: d'Zil. Et sinn 253,5 Meter, déi ee muss zeréckleeën, eenzegen Hoken dobäi, d'Fra muss mat, awer si MUSS gedroe ginn. Dat kann déi eege Fra oder dem Noper seng sinn, eenzeg Viraussetzung ass, datt si muss iwwer 17 Joer al sinn.

Et gëtt awer och nach e Minimum u Gewiicht, Fraen déi manner wéi 49 Kilo weien, sinn disqualifizéiert. Ma och do gëtt et nach eng Ausnam, weie si manner, dierfe si nach e schwéiere Rucksak um Réck mathuelen.

Soll nach ee soen, d'Finne wären net kreativ.

13 verschidde Länner waren dëst Joer op dem "Wife-Carrying World Championships" vertrueden. Zanter 1991 gouf dësen Event all Joers organiséiert a schwätzt all Sportaarten un.

Wann engem seng Fra elo iere géif eroffalen - kee Problem - wie se nees opgeraf kritt, dierf weiderlafen. Wien an der kierzter Zäit de Parcours hannert sech bréngt, dierf dann als gléckleche Gewënner Heem trëppelen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.