De "Live!" am ReplayRalph Diseviscourt, Julie Picciau a Karin Melchert

E Freideg den Owend goung et am leschten "Live!" virun der Summerpaus ëm de Vëlossport an ëm e Lidd, wat no de rezenten Iwwerschwemmungen entstanen ass.

Live! Planet People (13.07.2018)
De Ralph Diseviscourt iwwert d'Race Across America, d'Julie Picciau iwwert säi Velostour duerch Lëtzebuerg an d'Karine Melchert iwwert "De Keller ass empty".

9 Deeg, 12 Stonnen an 33 Minutte war de Ralph "Dizzy" Diseviscourt ënnerwee, fir vun der amerikanescher West- op déi amerikanesch Ostküst ze fueren. Domatter erfëllt de Lëtzebuerger Ultra-Cyclist seng eegen Erwaardungen. Bei senger zweeter Participatioun beim "Race Across America" wollt hien nämlech onbedéngt op de Podium kommen, um Enn klasséiert hie sech als Zweeten. Wéi huet hien d’Strapazen erlieft? A wéi wichteg war him dobäi de familiäre Support vun heiheem? Doriwwer hu mir mat him geschwat.

RTL-NEWS: Race across America: Strapazen eriwwer: Ralph Diseviscourt no 9 Deeg, 12 Stonnen an 33 Minutten ukomm

D’Julie Picciau huet sech méi e klengen Challenge gesat. Zesumme mat enger Frëndin ass si mam Vëlo 300 Kilometer queesch duerch Lëtzebuerg gefuer. Hinnen ass et dobäi virun allem drëms gaangen, op d'Ëmweltverschmotzung an d’Zerstéierung vun de Bëscher opmierksam ze maachen a Sue fir den Dag vum Bam vun "Natur & Ëmwelt" ze sammelen.

Dem Karin Melchert stoung d’Waasser wuertwiertlech bis zum Hals. Beim Héichwaasser am Mëllerdall gouf viru 6 Wochen de Keller an hirer Residence komplett iwwerschwemmt. Amplaz sech vun dëser Naturkatastroph d’Flemm andreiwen ze loossen, huet d’Beruffsmusekerin hir Erliefnesser an engem Lidd verschafft: "De Keller ass empty".

RTL-NEWS: FOTOEN A VIDEOEN - Dramatesch Biller: No Reen an Iwwerschwemmungen: Opraumaarbechte gi weider

 

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.