RIPDe weltwäit gréisste Stäre-Kach Joël Robuchon ass dout

Wéi international Medie mellen, ass de Joël Robuchon - ee vun de gréisste Käch weltwäit - e Méindeg am Alter vun 73 Joer u Kriibs gestuerwen.

© AFP
Fir säi Gromperepüree gouf e berühmt a fir seng Aarbecht gouf de franséische Star-Kach mat am Ganze 31 Michelin-Stäre geéiert. Hien huet als beschte Kach vun der Welt gegollt. De Gault et Millau huet de Robuchon 1990 zum "Kach vum Joerhonnert" gekréint, zesumme mam dëst Joer verstuerwene Paul Bocuse, dem Éisträicher Eckart Witzigmann an dem Schwäizer Frédy Girardet.

Wat déi mannste Leit woussten, hien hat Kriibs.

No der Diagnos huet de Robuchon sech no an no zeréckgezunn, huet seng Ernärung ëmgestallt op eng gesond Kiche mat manner Fleesch an ouni Fett an Zocker. Virun engem Joer gouf de Star-Kach wéinst Bauchspeicheldrüse-Kriibs operéiert an traitéiert. Zu deem Zäitpunkt huet hien dunn och seng Restaurante verkaf, un Investmentfongen aus Groussbritannien a Lëtzebuerg.

Säi leschten Optrëtt war am Abrëll dëst Joer, bei der Ouverture vum "Sakés Dassai" zu Paräis, enger Mëschung aus Patisserie, Téi-Salon, Restaurant a Saké-Bar.




Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.